انسان

اللہ سبحانہ و تعالیٰ نے انسان کو پیدا فرمایا اور پھر اس دنیا میں اس کو بھیجا جس طرح سے اللہ تعالیٰ نے دیگر مخلوق کو پیدا فرمایا اور اس دنیا میں بھیجا لیکن اللہ تعالیٰ نے اس نوع انسانی کے ساتھ ایک خاص عجب امتیازی معاملہ فرمایا جس نے اس نوع انسانی کو تمام مخلوقات سے بلند و بالا اور ممتاز بنا دیا اور ایک الگ ہی شان عطا فرمادی ۔ جو اللہ سبحانہ و تعالیٰ نے دیگر تمام مخلوق کو عطا نہیں کی۔

اللہ تعالیٰ نے انسان کو ایک عظیم الشان صفت سے نوازا جس کو ہم اشرف المخلوقات سے تعبیر کرتے ہیں۔ اللہ تعالیٰ نے انسان کو تمام مخلوقات سے بلند مرتبہ اور اعلیٰ بنایا اور وہ تمام صفتیں پیدا فرمائیں انسان کے اندر جو اسے دیگر مخلوقات سے امتیازی شان بخشتی ہے۔ چنانچہ ارشاد خداوندی ہے:

اللہ تعالیٰ نے اس آیت میں ارشاد فرمایا کہ بنی آدم کے درجہ کو بلند کر دیا اور اسے کئی قسم کی نعمتیں عطا فرمائیں ۔ اللہ تعالیٰ نے انسان کے اندر کئی ایسی صفتیں پیدا فرمائیں ہیں جس سے انسان کا مقام بڑھ جاتا ہے۔ دیگر مخلوقات کے مقابلہ میں ۔ اللہ تعالیٰ نے انسان کو اشرف النفس، اشرف البدن ، اشرف العقول بنایا۔ انسان کے اندر جو اغتداء، نمو و تولد کی جو صلاحیت ہے وہ کسی دیگر مخلوق میں نہیں ہے۔ جو حس و حرکت انسان کے اندر ہے وہ کسی دیگر مخلوق میں نہیں جو قوت عقلیہ انسان کے اندر ہے وہ کسی دوسری مخلوق میں نہیں۔ اشرف البدن ہونے کی مثال یہ ہے انسان ہی صرف ایسی مخلوق ہے جو ہاتھ سے کھاتی ہے جب کہ دیگر مخلوق Direct منھ سے کھاتی ہے وہ ہاتھ کا استعمال نہیں کرتی ہے۔ انسان اپنی انگلیوں کے ذریعہ لقمہ بلقمہ کھاتا ہے اور ہر ایک لقمہ کے ذائقہ کو الگ الگ محسوس کرتا ہے۔ جب کہ دیگر مخلوقات محض منہ سے تناول کرتی ہے اور ہر ایک لقمہ کا ذائقہ محسوس نہیں کر سکتی ہے۔

جو صفت ناطقہ (بولنے کی صلاحیت ) انسان کے پاس ہے وہ کسی دیگر مخلوق کے پاس نہیں ۔ انسان کو معتدل القامة بنایا ۔ یعنی ایسا قد و قامت جو قوت حس و حرکت کے اعتبار سے مکمل ہو۔ اللہ تعالیٰ نے انسان کو حسین صورت والا بنایا۔ چنانچہ ارشاد خداوندی ہے:

اور دوسری جگہ ارشاد فرمایا:

اللہ تعالیٰ نے انسان کو لکھنے کی صلاحیت عطا کی ۔ جس کے ذریعہ انسان اپنے خیالات کا اظہار کرتا ہے۔ چنانچہ ارشاد خداوندی ہے:

خیر خلاصہ کلام یہ ہوا انسان کو اللہ تعالیٰ نے ان تمام صفات کے ساتھ اس دنیا میں بھیجا جو اسے اس دنیا کے اندر ایک امتیازی شان دیتی ہے اور ساتھ میں دیگر مخلوق پر فوقیت دیتی ہے۔ اب سوال یہ پیدا ہوتا ہے اللہ تعالیٰ نے انسان کو تمام صفات عطا کر دی اب اس انسان کا کیا کام ہے۔ یا کیا اس کا Role ہے جو انسان کو ادا کرنا چاہئے۔ کیا محض لہو ولعب (کھیل کود ) سے کام چل جائے گا یا پھر یہ رویہ رکھنا کہ جیسے تیسے زندگی گذار رہی ہے گذر جائے۔ غور کرنے کا مقام ہے اور سوچنے کا مقام ہے کہ آخر ہمارا مقصد کیا ہے اس دنیا میں آخر ہمیں بھیجا ہی کیوں کس مقصد سے ہمیں اس دنیا میں بھیجا گیا۔ کیا دیگر مخلوق کی طرح ہم بھی محض لہو ولعب میں پڑ جانے اور اپنی خواہش کو پورا کرنے میں لگ جائے۔ بچے کی پیدائش میں پڑ جانا ہی ہمارا مقصد ہے۔ یا پھر کسی خاص مقصد سے مبعوث ( بھیجا) کیا گیا ہے۔ چنانچہ ارشاد خداوندی ہے:

اس آیت کے اندر اللہ تعالیٰ کا ارشاد ہے: میں نے انسانوں اور جناتوں کو محض اپنی عبادت کے لئے پیدا کیا ہے اور میں اپنے رزق کی امید نہیں کرتا کہ وہ اس کا انتظام کرے یا میں ان سے یہ امید نہیں کرتا کہ وہ میری مخلوق کو کھلائے یا پلائے بلکہ میں ہی کافی ہوں سب کے لئے۔

اس سے معلوم ہوا کہ اللہ تعالیٰ نے ہمارا مقصد دیگر مخلوق سے الگ رکھا ہے۔ ہمارا مقصد اللہ کی عبدیت ہے۔ اللہ نے ہمیں اپنی عبادت کے لئے خاص کیا ہے۔ دنیا تو محض ایک مسافر خانہ ہے۔ ہمارا اصل کامل مقصد جو ہے۔ وہ اللہ تعالیٰ کے پاس لوٹنا ہے۔ اللہ تعالیٰ نے ہمیں اس دنیا میں بھیجا اور ہمارے لئے تمام دیگر چیزوں کو پیدا فرمایا محض ہمارے لئے اللہ نے ہمیں اپنی عبادت کے لئے خاص کیا اور ہمارے لئے تمام سہولیات کا انتظام فرما دیا۔ چنانچہ ارشاد خداوندی ہے:

چنانچہ یہ بات واضح ہوئی کہ اللہ تعالیٰ نے ہمیں اشرف المخلوقات بنایا۔ محض اپنی عبادت، عبدیت کے لئے۔ کیا ضروری تھا اللہ تعالیٰ ہم ہی جیسوں کو اپنے اس مقصد عظیم کے لئے چنے۔ اللہ تعالیٰ کو تو اختیار تھا کہ وہ کسی بھی اور مخلوق کو چن سکتے تھے یا پھر کوئی نئی مخلوق پیدا فرماتے جو اللہ تعالیٰ کی عبادت کے لئے کافی ہوتے۔ کیونکہ اللہ تعالیٰ کی عبادت کی ضرورت ہمیں ہے۔ اللہ اپنی عبادت کے لئے کسی کا محتاج نہیں۔ کیونکہ فرشتوں کی ایک معصوم جماعت ہر وقت اللہ تعالیٰ کی عبادت میں لگی ہوئی ہے۔ اللہ تعالیٰ کی عبادت کی ضرورت ہمیں ہے۔ سو اس مقصد کے تئیں ہمیں اپنی زندگی کو اللہ تعالیٰ کے لئے خاص کرنا چاہئے اور اللہ کی عبادت کے لئے خاص کرنا چاہئے اللہ تعالیٰ ہمیں عمل کی توفیق عطا فرمائے۔ آمین۔